ជំនឿទៅលើវត្ថុសក្តិសិទ្ធ ​សក់ដាញ់ (សក់កណ្តាញ់)

អ្នកស្រុក​មាន​ជំនឿ​ថា បើ​មនុស្ស​ណា​ម្នាក់​មាន​សក់កណ្តាញ់​ស្អិត​ជាប់​គ្នា​បេះ​មិន​ចេញ ជា​អ្នកមាន​ឫទ្ធិ​បារមី​ខ្លាំងពូកែ ព្រោះ​មាន​ខ្មោច​ព្រាយ​បិសាច​ចាំ​ថែរក្សា ។សក់កណ្តាញ់​ជា​សក់​ដែល​ក្រញាញ់​ចាក់​ស្រែះ​ជាប់​បេះ​មិន​ចេញ​ដូច​ជ័រស្អិត ។ តាម​ធម្មតា​សក់កណ្តាញ់​គេ​មិន​ហ៊ាន​កាត់ ឬ​កោរ​ចេញ​ទេ ព្រោះ​ខ្លាច​ម្ចាស់​សក់​នោះ​ឈឺ ឬ​កើត​មាន​គ្រោះអាក្រក់​ផ្សេង​ៗ​កើតឡើង ប៉ុន្តែ​បើ​សក់​នោះ​ចេះ​តែ​រីក​ធំ​ទៅ​ៗ ចាស់​អាច​ធ្វើ​ពិធីសែនព្រេន​បន្តិចបន្តួច​ដើម្បី​សុំ​កាត់​សក់កណ្តាញ់​នោះ​ចេញ ទើប​មិន​មានទុក្ខ​ភ័យ ។

កណ្តាញ់ គឺជាសក់ ឬរោម ដែលចាក់ស្រេះរមូល

ចូលគ្នាដូចសំបុកចាប។ កណ្តាញ់ ច្រើនកើតនៅលើពពួកមនុស្សមួយចំនួន ដូចជា ស្នងរូប មេមត់ឬមេស្នឹង និង

នៅលើគ្រូមន្តអាគម។ កណ្តាញ់ ដែលកើតនៅលើសត្វ ជាពិសេស សក់សត្វសេះ មាន

ដោយកម្រ។ កណ្តាញ់ ច្រើនជាទីជម្រកនៃបារមី និងដួងព្រលឹងវិញ្ញាណ ដូចជាខ្មោចព្រាយបិសាច អារុក្ខអារក្ស

អ្នកតា ជាដើម។ អាស្រ័យហេតុនេះហើយ ទើបកណ្តាញ់ ត្រូវបានចាត់ទុកថា ជាវត្ថុស័ក្តិសិទ្ធ និងជាទីរាប់អាន

នៃបណ្តាគ្រូមន្តអាគម និងពួកអ្នកដែលមានជំនឿលើមន្តអាគម។ជាទូទៅ កណ្តាញ់មានពីរប្រភេទ 

គឺកណ្តាញ់សក់ (ឬសក់ដាញ់) និងកណ្តាញ់ម្លប់ (ឬកណ្តាញ់បាត)។តាមជំនឿបុរាណ កណ្ដាញ់ម្លប់នេះពូកែ

ស័ក្តិសិទ្ធខ្លាំងណាស់។ មានសេចក្តីតំណាលតៗថា អ្នកស្រី ឧត្តមស័ក្តិ ឬយាយកណ្តុំស័ក្តិ (ក្រោយមក បាន

ក្លាយជាប្រពន្ធរបស់ លោក ដាប ឈួន) ដែលជាគ្រូមន្តអាគមនិងជាប្រធានស្រីរបស់ក្រុមនារីខ្មែរឥស្សរៈ ប្រចាំ

តំបន់ភ្នំគូលែនខេត្ដសៀមរាប ត្រូវបានគេទទួល

ស្គាល់ថា គឺជាស្ដ្រីខ្លាំងពូកែ បាញ់មិនមុតដុតមិនឆេះ។ ភាពល្បាញល្បីខ្លាំងពូកែរបស់យាយកណ្តុំស័ក្តិគឺ

ដោយសារតែគាត់មានកណ្តាញ់ម្លប់នេះឯង៕

Credited to: ប្រវត្តិសាស្ត្រកម្ពុជា